لقاء يُدرَّس لرجل الأعمال العالمي سميح ساويرس ، بيقول فيه …..!!
متابعات: مجلة حواس
أنا افضل شغلانه كسبت منها هى صناعة المراكب واليخوت ، كنت بكسب حلو قوى وعملت منها حلوة ، بس كام سنة كده وسيبتها رغم انى كنت رقم واحد فى السوق !!
ولما المذيعة سألته : غريبة !! ليه ؟!
قالها : لأن المنافسة زادت والربح قل والكل فهم الشغلانة والميزة اللى كانت فيها بدأت تروح فهتعب نفسى قوى وهحط نفسى فى ضغط ، فسيبتهم هما يتخانقوا على بواقى السوق ويستثمروا فيه كل اللى كسبوه لكن انا طلعت بالفلوس دى ورحت الجونة
من أربع سنين قعدت مع رئيسة مجلس ادارة شركة مشهورة جدا وشهرتها انها كانت بتاعة توكيلات موبايلات لما رحت لقيتها اشتغلت فى المكرونة والخضار المجمد وحاجات ليس لها علاقة بالموبايلات !!
سألتها : انتوا خرجتوا من السوق بعد ما نوكيا انهارت ؟!
قالت : لا احنا خرجنا قبلها بحبة حلويين ، خرجنا لما بقت هيصة ، خرجنا وهى لسه فيها الرمق وسيبنا البيزنس يموت تدريجيا
من 8 سنين كان عندى مشروع وكان ناجح جدا كنت رقم واحد فى مصر ومرة واحدة بدأت انسحب منه تدريجيا واركز جهدى فى شغل تانى ، وقتها المحيطين بيا لامونى ازاى تسيب بقرة بتدر لبن صافى !! وقتها انا اخدت القرار وشفت ان السوق بتنهار واللى هيفضل فيه هيخسر جهد ومال ( وانا مش بتاع فشخرة ولا هقول مكمل عشان انا الكبير ) والحمدلله القرار دا كان من أهم القرارات الصح الى اخدتها فى حياتي
