طيار مصري يمتنع عن الإقلاع بالطائرة بسبب سـ.رقة مجوهرات راكبة بـ 5 مليون جنيه
متابعات : مجلة حواس
كابتن طيار مصر للطيران أحمد فتح الله رفض إن الرحلة اللي كانت متجهة من القاهرة لكينشاسا تقلع إلا بعد ما يتم كشف حقيقة سـ.ــرقة حصلت على الطيارة وإرجاع حق صاحبه.
الواقعة بدأت لما راكبة لبنانية أبلغت إنها فقدت مجوهرات من شنطتها قيمتها حوالي 5 مليون جنيه، وهي كانت على الطيارة مع أسرتها.
على الفور الكابتن بلّغ الأمن وقرر تأجيل الإقلاع لحد ما تتكشف الحقيقة.
الأجهزة الأمنية اشتغلت بسرعة، وراجعت كاميرات المراقبة، وقدرت تحدد المـ.ـتهم، واتضح إنه راكب من الكونغو، وكمان عرفوا رقم مقعده على الطيارة.
تم التحرك فورًا على الطيارة وضبطه، ولما فتشوا حاجته لقوا المجوهرات المسـ.ـروقة معاه.
الراكبة رجعت لها حاجتها ودخلت في حالة فرح وبكـ.ـاء من شدة الفرحة إنها استرجعتها بسرعة كده، خصوصًا في وقت قياسي.
وتم اتخاذ الإجراءات القانونية ضد المـ.ـتهم، وفي نفس الوقت مصر للطيران وفرت للراكبة وأهلها إقامة في فندق لحد ما يركبوا أول رحلة بعدها.
وفي النهاية، الطيارة أقلعت وسط إشادة كبيرة من الركاب بالكابتن والأمن، والكل كان بيهتف: “تحيا مصر”.
