منهج النجاح في البيزنس من عبدالرحمن بن عوف رضي الله عنه

🟨 منهج النجاح في البيزنس من عبدالرحمن بن عوف رضي الله عنه

🟡 الصحابي الجليل عبد الرحمن بن عوف رضي الله عنه من أجمل الأمثلة اللي في التاريخ عمومًا والتاريخ الإسلامي خصوصًا اللي عقليته في البيزنس محتاجة الإنسان يدرسها ويفكر فيها.. وكمان المنهجية بتاعته في التعامل في التجارة ونظرته للمال وأخلاقياته في البيزنس..

سيدنا عبدالرحمن كان ربنا مبارك له في ماله بشكل عجيب سبحان الله لدرجة إن كان بيتقال عليه «لو رفع حجر يلاقي تحته رزق»!
هو قال عن نفسه كده رضي الله عنه قال “لقد رأيتُني لو رفعتُ حجرًا لوجدتُ تحته فضة وذهبا” 🪙

🟡 وكمان كان عنده ميزة مهمة وهي إنه مش بيداري حاجة من علمه.. لما اتسأل في مرة..
▫️ازاي وصلت للثروة دي كلها؟ مبخلش بالإجابة وقال دي خلطتي السحرية اللي اكتسبتها بخبرتي في التجارة واللي ربنا علمها لي… أبدأ معملش كده لإنه عارف إن زكاة العلم نشره ف جاوب بكلمتين سهلين صعبين في نفس الوقت ودول لوحدهم خطة نجاح للبيزنس 👇
⬅️ «ما بِعتُ دَينًا، ولا استقللتُ ربحًا».👌
🟡 يعني ايه الكلام ده؟
▫️يعني مكنش يبيع بضاعة بالآجل عشان ميحرجش الزبون ولا يفضل يجري ورا فلوسه عند فلان وعلان..

▫️مكنش بيحتقر المكسب القليل.. بالعكس، كان شايف إن المكسب القليل مع تصريف البضاعة أحسن مليون مرة من البضاعة المركونة..
> في نفس المعنى ده أفتكر كلمة الحاج محمود العربي رحمه الله لما راح يشتغل عند عم رزق كان أول درس اتعمله في التجارة كان هو ده..
📈 بيع كتير ولو بمكسب قليل.. المهم البضاعة متتركنش على الرف.
وكان العربي بيقول إنه اوقات كانوا بيبيعوا البضاعة بمكسب 1% وأوقات بيبيعوا بضاعة بنفس تمنها اللي اشتروها به وأوقات لو بضاعة واقفة يبيعوها بأقل من سعرها عشان الفلوس متتركنش.

فده منهج سيدنا عبدالرحمن بن عوف في التجارة..
▫️مفيش آجل..
▫️لا يحتقر ربح مهما كان قليل

🟡 كمان سيدنا عبدالرحمن بن عوف كان عنده ذكاء في التعامل مع الزبون اللي بيبيع له.. وكمان مع التجار اللي هو بيشتري منه.. كان بيطبق حديث الرسول ﷺ «رحم الله رجلًا سمحًا إذا باع، سمحًا إذا اشترى».
> يعني لما يبيع ما يتشددش في البيع وكان يكرم الزبون بتعبير دلوقتي كان عنده خدمة عملاء قوية..
> لما يشتري ميفصالش كتير ويتعب اللي قدامه..

🟡 كان عبدالرحمن بن عوف النية أهم من أي فلوس:
عبد الرحمن بن عوف مكنش بيجمع الفلوس عشان يتفاخر بيها ولا يخزنها تحت الأرض بالعكس كان بيجمعها عشان يسترزق منها بالحلال ويكفي نفسه وأهله ويساعد بيها المحتاجين وده سر البركة في حياته رضي الله عنه.. كان شايف الفلوس وسيلة مش غاية..كانت نيته يرضي ربنا ويوسع على الناس ويعيش عزيز النفس من غير ما يحتاج لحد..

🟡 كان عنده عزة نفس وعفة لما جاء للمدينة في القصة المشهورة آخى النبي ﷺ بينه وبين سعد بن الربيع رضي الله عنه فقال له سعد رضي الله عنه:
“أنا أكثر أهل المدينة مالًا؛ فانظر شطر مالي فخذه!! ولي زوجتان؛ فانظر أيتهما أعجب لك حتى أطلقها، وتتزوجها..! فقال له عبد الرحمن بن عوف: بارك الله لك في أهلك ومالك، دلُّوني على السُّوق”..

فخرج إلى السوق، فاشترى، وباع، وكسب وعمل ثروة عظيمة فكان من أغنى الصحابة وكان من أغنى تجار عصره رضي الله عنه..
🤔 عملها إزاي.. اقرأ البوست تاني وشارك لغيرك لعله يستفيد 😍

#اقتصاد_بالعربي
#economyinarabic
#تفكير_الأغنياء
#تجارة_بركة
#عبدالرحمن_بن_عوف