*عندما لا يكترث المسؤول، والي البحر الأحمر نموذجا*
لواء ركن م د. إسماعيل أبوشوك
نحن بكل بساطة بنعرف انو في حركة في سعر الدولار صعودا ( طبعا نزولا اصلا مافي وما متوقع) *من السقا*!!!!!.
*السقا* حقنا قاعد في سواكن،، وعندو ولدين في البورت.
واحد عندو توكتوك يشيل 3 براميل، وموصل معاه طلمبة، وعندو خرطوش مياه يصل من عربته إلى أقصى نقطة في المنزل. كان يبيعنا الموية 22500 جنيه.
اليوم قال الا *40000 جنيه* . *متخيلين دا سعر 3 براميل* .
اخوه عندو حمار يجر *برميلين* ( كارو)، كان يبيعنا الموية ب 12000 جنيه. اليوم قال *الا 30000 جنيه.*
دي واحدة من تأثيرات ارتفاع الدولار. السبب انو الكهرباء قاطعة، وناس الموية يشتروا الوقود ويزايدوا في سعر البيع.
*تقولي حميدتي اقتصادي؟!!!!!!* هو منو الاقتصادي في البلد دي وقلبو على الشعب.
*والي* البورت قاعد وجنبو كل الحكومة من الرئيس ووزير المالية إلى آخر بقية العقد الفريد، 3 سنوات لم يستطع توفير إمداد مائي مستقر ومستمر عبر الخطوط والحنفيات.
والغريبة التانكر تملأ من المنبع ( اربعات) والتكاتك والكاروهات حايمين يبعوا في الموية،، يعني الموية موجودة لكنها……….. ، *احسن نخليها المرة الجاية* .
3 سنوات كان ممكن *الوالي* يضيء كل البورت بالطاقة الشمسية أو المغنطيسية،، والأخيرة دي هدية للمهندسين يمشوا يفتشوها بتعمل كيف وسعرها كم وهل ممكن تُستخدم أم خيال علمي.
*_البلد منكوبة والوجع مترادم، والمسعولين نايمين_*
*ونحن* ما عارفين نقول شنو، ولا نكتب في شنو، ولا نناقش شنو.
*الله المستعان*
*21 يوليو 2025*
